सुदैवाने जीवित हानी नाही इमारत धोकादायक असल्याने रहिवासी यात नव्हते
प्रतिनिधी:मिलन शाह
मुंबई,बोरिवली पश्चिम परिसरात 4 मजली इमारत कोसळल्याची माहिती समोर आली आहे. इमारतीच्या ढिगाऱ्याखाली अनेक जण अडकल्याची शक्यता वर्तविण्यात आली होती. मात्र, यात कोणीही अडकलेले नाही, असे मुंबई महापालिका च्या वतीने सांगण्यात आले.
बोरिवली पश्चिमेतील साईबाबा नगर येथील गितांजली ही निवासी इमारत अचानक कोसळली आहे. या दुर्घटनेनंतर अग्निशमन दलाचे व पालिकेचे पथक घटनास्थळी दाखल झाले आहे. तसेच 12 गाड्या दुर्घटनास्थळी पोहोचल्या आहे. मदतकार्य सुरु करण्यात आले आहे.
दरम्यान, ही इमारत धोकादायक असल्याने ती खाली करण्यात आली होती. त्यामुळे मोठी दुर्घटना टळली आहे. ढिगाऱ्याखाली काहीही नसल्याचे मुंबई पालिका प्रशासनाने सांगितले असून हा ढिगारा त्वरित हटवला जाईल, अशी माहिती मिळाली.